اكبس على جرحك ملح ...صادق

مليون وردة تنفتحْ
جِوّا المرايا وتنمسح ْ
والعقل يتخيَّلْكْ .. ضيف مقابله ما يَنربحْ

وش تم بعد غيابنا
وش صار بالمهر الجِمِحْ
ما ظن يومٍ يَختلفْ
ممشوق وبكل اللطفْ
يسبي عيونٍ تنخطفْ
لُهْ كل ما طار بجنحْ
يومٍٍ يصد يومٍ يدف
يوم يتمنَّع للولفْ
يلتذ بي شوف النـزفْ
بقلوب لاجله تنذبحْ
بدموعه يلم العشقْ
من كل قلبٍ محترقْ
عا ريحته عا شوفته
عا كل خله فيه .. تستاهل مدحْ
يا سارقٍ لون الهنا .. بزيفٍ وقحْ
من قلب مستني الفرحْ
لاجلك أنا عفت الهوى
وطبعك تمادى بالنوى
وش فايدة كل الدوا
والصدر ماهو منشرحْ
والهم داهم بالنحسْ
والعقل بعدك منلحسْ
ظليت مقتولٍ وحسْ
طعنات سيفك والرمحْ
بالصدر تنهش بالغدرْ
والقلب منك ما يصحْ
يا قلب ما ينفع تظل
بين المهالك منطرحْ
خلك على ذاك الجرحْ
كابس ملحْ
يومين لا تمشي بهم
يوم اللقا ويوم البعدْ
وانسار قلبك للردي .. ما تبتعدْ
خلك على ذاك الوعدْ
والجَدْ ما يصبح مزحْ
واكتم أنينك بالصدرْ.. فوق القهرْ
لا ينسمع صوت الحزن من داخلك
لا ينعرف عنك ضعفْ
واياك .. تنظر للخلفْ
خليك حامل هيبتك للموت وخوفك مكتسحْ
لا تترك اللي بالقلب يفضي وسرك ينفضحْ
حتى ع دمعهْ تعيد شوقٍ كان .. ما يطلع صبح !!